سورۃ : 33 الاحزاب ۔ اجتماعی فوج
سورۃ : 33 سورۃ الاحزاب ۔ اجتماعی فوج
کل آیتیں : 73
مختلف دشمنوں نے اجماعی طور پر فوج جمع کر کے حملہ آور ہو نے کے واقعہ بارے میں اور اس وقت رب کی طرف سے ملی ہوئی مدد کے بارے میں اس سورت کی آیت نمبر 9 سے 27 تک ذکر ہوا ہے، اس لئے اس سورت کا نام یہ رکھا گیاہے۔
بہت ہی مہربان، نہایت ہی رحم والے اللہ کے نام سے ...
1۔ اے نبی! اللہ سے ڈرو۔ (اللہ کا) انکار کرنے والے اور منافقوں کے تابع نہ بنو۔ اللہ جاننے والا ،بڑی حکمت والا ہے۔
2۔(اے محمد!) تمہارے رب کی طرف سے جو وحی کی جاتی ہے اس کی پیروی کرو۔ تم جو کچھ کر تے ہو اللہ اچھی طرح جاننے والا ہے۔
3۔ اللہ ہی پر بھروسہ رکھو۔ اللہ کارسازی کے کافی ہے۔
4۔ کسی بھی انسان کے اندر اللہ نے دو دل502 نہیں بنائے۔ تمہاری بیویوں میں تم جسے ماں کے ساتھ تشبیہ دے رہے ہو انہیں اس نے تمہاری مائیں نہیں بنایا316۔ تمہارے لے پالک بچوں کو وہ تمہارے بچے نہیں بنایا317۔ یہ توتمہارے منہ کی باتیں ہیں۔ اللہ حق ہی کہتا ہے۔ وہی سیدھی راہ دکھاتا ہے۔
5۔ انہیں تم ان کے والد کے نسبت سے پکارو۔ وہی اللہ کے نزدیک انصاف ہے۔ اگر تم ان کے والد کو نہ جانتے ہوں تو وہ تمہارے لئے دینی بھائی اور تمہارے دوست ہیں۔ اگر غلطی سے کچھ کہہ دو تو تم پر کوئی گناہ نہیں۔ بلکہ تم دلی ارادے سے کہو تو (گناہ ہوگا)۔ اللہ بخشنے والا، نہایت ہی رحم والا ہے۔
6۔ایمان والوں کو اپنی ذات سے زیادہ یہ نبی(محمد) ہی فوقیت پانے والے ہیں۔ ان کی بیویاں ان کی مائیں322 ہیں۔ ایمان والے اور ہجرت460 کر نے والوں سے زیادہ رشتہ دار ہی ایک کودوسرے فوقیت رکھنے والے385 ہیں، بجز اس کے کہ تم خوداپنے دوستوں کے ساتھ بھلائی کرو۔ یہ اللہ کی کتاب میں ہے۔ اور یہ دفتر157 میں لکھا ہوا ہے۔
8,7۔یاد دلاؤ جبکہ ہم نے نبیوں کے پاس (خاص کر) تمہارے پاس، نوح، ابراھیم، موسیٰ اورمریم کے بیٹے عیسیٰ سے بھی ان کا عہد95 لیا تھا۔سچے لوگوں کو ان کے سچائی کے بارے میں دریافت کر نے کے لئے ان سے سخت معاہدہ کیا تھا۔ (اس کا) انکار کر نے والوں کو وہ دردناک عذاب تیار کر رکھا ہے26۔
9۔ اے ایمان والو! تمہارے پاس جب اجماعی فوج آئی تو اللہ نے تمہیں جو نعمتیں بخشی تھی اس کویاد کر و۔ان کے خلاف ہم نے آندھی اورتم کو دکھائی نہ دینے والی فوج بھیجی ۔ تم جوکچھ کر رہے ہو اللہ اس کو دیکھ رہا 488ہے۔
11,10۔ وہ لوگ جب تمہارے اوپر سے اور تمہارے نیچے سے آئے تو تمہاری آنکھیں پتھراگئیں اور دل گلے تک پہنچ کر پھنس گئے ، اللہ کی نسبت تم نے مختلف قسم کے گمان کرنے لگے تو وہیں ایمان والے آزمائے گئے484۔ وہ لوگ بری طرح سے جھنجھوڑ دئے گئے26۔
12۔ (اس وقت بھی یہ آزمائے گئے جبکہ) منافق اور دلوں میں بیماری رکھنے والوں نے کہا کہ اللہ اور اس کے رسول نے بس ہم سے دھوکے کا وعدہ ہی کیا تھا۔
13۔(اس وقت بھی وہ آزمائے گئے جبکہ ) ان میں سے ایک گروہ نے کہا کہ اے یثرب(مدینہ) والو! تم (ان کے مقابلہ میں) ٹہرنہیں سکتے۔اس لئے لوٹ جاؤ۔ ان میں سے ایک گروہ نے محفوظ ہو تے ہوئے بھی نبی سے یہ کہہ کر اجازت چاہا تھا کہ ہمارے گھر غیر محفوظ ہیں۔ وہ لوگ بھاگ جا نے کے سوا اور کچھ نہیں چاہا۔
14۔ ان کے خلاف اس کے کئی حصوں سے حملہ کیا جاتا، پھر ان سے فساد برپا کر نے کے لئے پوچھاجاتا تو وہ کر دیتے۔بجز تھوڑی دیر کے وہ زیادہ دیر نہیں کرتے۔
15۔ اس سے پہلے وہ اللہ سے عہد کر چکے تھے کہ پیٹھ پھیر کر نہیں بھاگیں گے۔اللہ سے کئے ہوئے عہد کی بازپرس ہوگی۔
16۔ کہہ دو کہ اگر تم بھاگو گے تو تمہارا بھاگنا موت یا قتل کئے جانے سے تمہیں روک نہیں سکے گی۔ اس وقت تم بہت کم ہی خوشحالی دئے جاؤگے۔
17۔ تم پوچھو کہ اگر اللہ تمہارے لئے کوئی برائی چاہے تو اس سے تمہیں بچانے والا کون؟ یا وہ تمہارے لئے کوئی بھلائی چاہے تو (اسے روکنے والا کون)؟ اللہ کے سوا کوئی کارساز یا حمایتی وہ دیکھ نہیں سکتے۔
18۔ تم میں روکنے والوں کو اور اپنے بھائیوں سے یہ کہنے والوں کو کہ ہمارے پاس آجاؤ، اللہ جانتا ہے۔ سوائے بہت کم کے وہ جنگ میں نہیں آتے۔
19۔ تمہارے مقابلہ میں وہ کنجوسی کر تے ہیں۔تم دیکھوگے کہ خوف کے وقت موت (کی دہشت) سے بیہوش آدمی کی طرح آنکھوں کو گردش دے کر وہ تمہیں دیکھتے ہیں۔خوف ہٹنے کے ساتھ (جنگ میں ملے ہوئے) مال پر حریص بن کر تیززبانوں سے وہ تمہیں تکلیف پہنچاتے ہیں۔ وہ لوگ ایمان نہیں لائے۔ اللہ نے ان کے اعمال برباد کر دئے۔یہ اللہ کے لئے آسان ہی ہے۔
20۔ وہ سمجھتے ہیں کہ اجماعی فوجیں ابھی گئی نہیں۔ اگر وہ فوجیں آجائیں تو وہ چاہیں گے کہ دیہاتیوں کے ساتھ رہتے ہوئے تمہارے بارے میں خبریں دریافت کرتے رہیں۔ اگر وہ تمہارے ساتھ رہتے بھی تو وہ برائے نام کے سواجنگ میں حصہ نہیں لیں گے۔
21۔ اللہ اور آخرت کے دن 1پر یقین رکھتے ہوئے اللہ کو کثرت سے یاد کرنے والے تم کو اللہ کے رسول میں بہترین نمونہ ہے318۔
22۔ جب ایمان والوں نے اجتماعی فوج کو دیکھا تو کہا کہ یہ تو وہی ہے جس کا اللہ اور اس کے رسول نے ہم سے وعدہ کیا تھا۔ اللہ اور اس کے رسول نے سچ ہی کہا تھا۔ ایمان اور فرمانبرداری کے سوا دوسرا کچھ انہیں (یہ) زیادہ نہیں کیا۔
23۔ ایمان والوں میں ایسے لوگ بھی ہیں کہ اللہ سے جس کے بارے میں عہد لیا تھا ، اس کو سچ کر دکھایا۔ان میں اپنی مراد کو پائے ہوئے لوگ بھی ہیں۔ (اسے) انتظار کر نے والے لوگ بھی ان میں ہیں۔ وہ لوگ ذرا بھی (عہدمیں) تبدیلی نہیں کی۔
24۔ سچے لوگوں کو ان کی سچائی کی وجہ سے اللہ انعام دے گا۔ اگر چاہا تو منافقوں کو سزا دے گا یا انہیں معاف کر دے گا۔ اللہ بخشنے والا، نہایت ہی رحم والا ہے۔
25۔ (اس کا) انکار کر نے والوں کو کوئی بھلائی نہ پاتے ہوئے ان کے غصے کے ساتھ ہی اللہ انہیں واپس کر دیا۔ ایمان والوں کے لئے جنگ کر نے اللہ ہی کافی ہے۔ اللہ قوت والا اور زبردست ہے۔
26۔ اہل کتابوں27 میں سے جو ان کی مدد کی تھی انہیں ان کے قلعوں سے اتار دیا۔ ان کے دلوں میں خوف ڈال دیا۔تم نے ایک گروہ کو قتل کردیا، دوسری گروہ کو قید کر لیا۔
27۔ ان کی زمین، ان کے گھروں ، ان کے مال اور وہ زمین جس میں تمہارا قدم نہ پڑاہو، تمہیں وارث بنایا۔ اللہ ہر چیز پر قدرت رکھنے والا ہے۔
28۔ اے نبی (اے محمد) تم اپنی بیویوں سے کہہ دو کہ اگر تم اس دنیوی زندگی اور اس کی زینت چاہتی ہو تو آؤ، میں تمہیں آسائش عطا کر کے اچھے طریقے سے تمہیں رخصت کردوں۔
29۔ اگر تم اللہ ، اس کے رسول اور آخرت کی زندگی چاہتی ہو تو تم میں نیکی کر نے والیوں کے لئے اللہ بہت بڑا اجر تیار کر رکھا ہے۔
30۔ اے نبی کی بیویو! اگر تم میں کوئی کھلی بے حیائی کا ارتکاب کروگے تو انہیں دوہرا عذاب دیا جائے گا500۔
وہ اللہ کے لئے آسان ہی ہے۔
پارہ : 22
31۔ تم (نبیوں کی بیویوں) میں سے جو اللہ اور اس کے رسول کی فرمانبرداری کر تے ہوئے نیک عمل کرنے والیوں کے اجر کوہم دو بار عطا کریں گے۔ ان کے لئے ہم نے باعزت رزق تیار کر رکھی ہے500۔
32۔ اے نبی کی بیویو! تم عورتوں میں دوسروں جیسی نہیں ہو500۔ اگر تم (اللہ سے) ڈرتے ہو تو نرم لہجے سے بات نہ کرو۔ جس کے دل میں بیماری ہے تو وہ بری خواہش کر نے لگے گا۔ بھلی بات ہی کہو۔
33۔ اپنے گھروں ہی میں ٹہرے رہو۔ قدیم جاہلیت کے زمانے کی طرح اظہار کر تے ہوئے نہ پھرو500۔ نماز قائم کرو۔ زکوٰۃ ادا کرو۔ اللہ اور اس کے رسول کی اطاعت کرو۔ تم سے جو اس گھرانے والی ہو، گندگی دور کرنا اور تمہیں پوری طرح سے پاک و صاف کر نا ہی اللہ چاہتا ہے۔
34۔ تمہارے گھروں میں جو اللہ کی آیتیں اور حکمت67 سنائی جاتی ہیں، وہ یاد رکھو۔ اللہ باریک بین، خبردار ہے۔
35۔ مسلمان مرد اور عورتیں، ایمان والے مرد اور عورتیں، فرمانبردار مرد اور عورتیں، راست باز مرد اور عورتیں، صبر کر نے والے مرد اور عورتیں، عاجزی سے چلنے والے مرد اور عورتیں، صدقہ دینے والے مرد اور عورتیں، روزہ رکھنے والے مرد اور عورتیں، اپنی شرمگاہوں کی حفاظت کر نے والے مرد اور عورتیں، اللہ کو کثرت سے یاد کر نے والے مرد اور عورتیں، ان سب کے لئے اللہ نے مغفرت اور بہت بڑا اجر تیار کر رکھا ہے۔
36۔ جب اللہ اور اس کے رسول کسی معاملے میں فیصلہ کردیں تو ایمان والے مرد اور عورت کے لئے ان کے اس معاملے میں اپنی ذاتی خواہش کی کوئی گنجائش نہیں۔ اللہ اور اس کے رسول کی نافرمانی کر نے والے واضح طور پر گمراہ ہوگئے۔
37۔ (اے محمد!) یاد کرو جس پر اللہ نے احسان کیا اور تم نے بھی احسان کیا تھا ، اس شخص سے تم نے کہا تھا کہ تم اپنی بیوی کو اپنے ہی پاس رکھو، اور اللہ سے ڈرو۔تم اس بات کو دل میں چھپا رہے تھے جسے اللہ ظاہر کرنے والا تھا۔ تم انسان سے ڈر گئے۔ تمہارے ڈرنے کے لئے اللہ ہی سزاوار ہے۔ زید نے اس سے اپنی حاجت جب پوری کر لی (طلاق دیدی) تو ہم نے تم کو اس سے شادی کرادی۔ (ہم نے یہ اس لئے کیا کہ)لے پالک بیٹے جب اپنی بیوی سے اپنی حاجت پوری کر لیتے ہیں (طلاق دے دیتے ہیں) تو انہیں ایمان والے (پرورش کرنے والے باپ) نکاح کر لینے میں کوئی گناہ نہیں ہونا چاہئے۔ اللہ کا حکم ہو کر رہنے والاہے319۔
39,38۔ اللہ نے ان کے لئے جو انتظام کیا تھا اس میں نبی پر کوئی گناہ نہیں۔ اللہ سے ڈرتے ہوئے ، اس کے سوا کسی اور سے نہ ڈرتے ہوئے، اللہ کے پیغامات کو پہنچانے والے پہلے گزرے ہوئے لوگوں کے پاس بھی اللہ کایہی دستور رہا۔ اللہ کا حکم طے شدہ فیصلہ ہے۔ حساب لینے کے لئے اللہ کافی ہے۔
40۔ محمد تمہارے مردوں میں کسی کے باپ نہیں تھے320۔ بلکہ وہ اللہ کے رسول اور نبیوں کے خاتم ہیں187۔ اللہ ہر چیز کا جاننے والا ہے۔
41۔ اے ایمان والو! اللہ کو کثرت سے یاد کرو۔
42۔ صبح اور شام اس کی پاکی بیان کرو۔
43۔اندھیروں303 سے اجالے کی طرف تمہیں لے جا نے کیلئے وہی تم پر رحمت بھیجتا ہے۔ اس کے فرشتے تمہارے لئے رحمت ڈھونڈتے ہیں۔ وہ مومنوں پر نہایت ہی رحم والا ہے۔
44۔ جس دن وہ لوگ اس سے ملیں گے488 تو ان کا تحفہ سلام159 ہوگا۔ ان کے لئے باعزت اجرت بھی اس نے تیار کر رکھا ہے۔
46,45۔ اے نبی! (اے محمد!) ہم نے تم کو گواہی دینے والا، خوشخبری سنانے والا، خبردار کرنیوالا، اللہ کی مرضی کے مطابق اسکی طرف بلانے والا،اور روشن چراغ بنا کر بھیجا ہے26۔
47۔ انہیں خوشخبری سنادو کہ مومنوں کے لئے اللہ کی طرف سے بہت بڑا فضل ہے۔
48۔ (اللہ کا) انکار کر نے والے اور منافقوں کی تابع نہ بنو۔ ان کی ایذارسانی کی پروا نہ کرو۔اللہ ہی پر بھروسہ رکھو۔ ذمہ داری کے لئے اللہ ہی کافی ہے۔
49۔ اے ایمان والو! جب تم مومن عورتوں سے نکاح کرو ، پھر انہیں ہاتھ چھونے سے پہلے طلاق66 دے دو تو تمہارے لئے ان کا کوئی عدت نہیں69۔ ان کے لئے کچھ سہولتیں مہیا کرو74۔ خوش اسلوبی سے انہیں رخصت کردو۔
50۔ اے نبی! (اے محمد!) تمہاری بیویوں میں جن کو تم نے مہر108 ادا کر چکے ہوان کو، اللہ تمہیں جنگی قیدیوں میں سے عطاکئے ہوئے لونڈیوں کو107، تمہارے چچا کی بیٹیوں کو، تمہاری پھوپھیوں کی بیٹیوں کو، تمہارے ماموؤں کی بیٹیوں کو، تمہاری خالاؤں کی بیٹیوں کو، جنہوں نے تمہارے ساتھ ہجرت460 کی ہے ان کو (نکاح کر نے کے لئے) ہم نے تم کو اجازت دی ہے۔ نبی کے لئے اپنے آپ کو نذر کر دینے والی مومن عورت سے بھی نبی اگر نکاح کر نا چاہے تو (اجازت ہے)۔ تمہیں دشواری نہ ہو نے کے لئے، دوسرے مومنوں سے الگ، یہ تمہارے لئے خصوصی378 قانون ہے۔(دوسروں کے لئے) ان کی بیویوں اور لونڈیوں کے بارے میں جو مقرر ہوا ہے اسے ہم جانتے ہیں۔ اللہ بخشنے والا، نہایت ہی رحم والا ہے۔
51۔ (اے محمد!) ان میں سے تم جن کو چاہیں الگ کر سکتے ہو۔ جن کو چاہیں اپنے پاس رکھ سکتے ہو۔ جن کو تم نے الگ کردیا ان میں سے جن کو تم چاہو (ا ن کو دوبارہ ملالینے سے) تم پر کوئی گناہ نہیں۔ ان کی آنکھیں ٹھنڈی ہو نے کے لئے، وہ بے فکر رہنے کے لئے، تم جوانہیں دیتے ہو اس سے وہ سب راضی رہنے کے لئے یہ مناسب ہے۔ تمہارے دلوں میں جو کچھ ہے وہ اللہ جانتا ہے۔ اللہ جاننے والا ، بردبار ہے۔
52۔ لونڈیوں کے سوا107 دوسری عورتیں اس کے بعد تمہیں اجازت نہیں دی جائے گی۔اگر چہ ان کی خوبصورتی تمہیں لبھائے بھی۔ (انہیں طلاق دینے کے بعد) ان کے بدلے میں دوسری بیویوں کو بدلنا بھی نہیں۔ اللہ ہر چیزپر نگرانی کررہا ہے۔
53۔ اے ایمان والو! نبی کی گھروں میں اجازت کے بغیر کھانے کے لئے داخل نہ ہو۔ ان کے برتن کو دیکھتے نہ رہو۔بلکہ تمہیں بلا یا جائے تو جاؤ۔ کھانا کھا چکو تو نکل جاؤ۔ باتوں میں مشغول نہ ہوجاؤ۔ وہ نبی کے لئے تکلیف دہ ہوگی۔تم سے (کہنے کے لئے) وہ شرمندہ ہوں گے۔ سچ بات کہنے کے معاملے میں اللہ شرماتا نہیں۔ان (نبی کی بیویوں) سے کوئی چیز مانگنی ہوتو پردے کے پیچھے500 ہی سے مانگو۔ یہی تمہارے لئے اور ا ن کے لئے پاکیزہ ہے۔ اللہ کے رسول کو تم تکلیف نہ دینی چاہئے۔ ان کے بعد تم ہر گز ا ن کی بیویوں سے نکاح نہیں کر نا چاہئے۔یہ اللہ کے نزدیک بہت بڑی بات ہے322۔
54۔ کسی بات کو تم ظاہر کرویا مخفی رکھو اللہ ہر چیز کو جاننے والا ہے۔
55۔ ان کے باپوں ، ان کے بیٹوں، ان کے بھائیوں ، ان کے بھتیجوں ، ان کے بھانجوں ، ان کی عورتوں اور ان کے غلاموں107 کے معاملے میں ان پر کوئی گناہ نہیں۔ اللہ سے ڈرو۔ اللہ ہر چیز کا دیکھنے488 والا ہے۔
56۔ اللہ اس نبی پر رحمت بھیجتا ہے۔ فرشتے ان کے لئے اس کی رحمت چاہتے ہیں۔ اے ایمان والو! تم بھی ان کے لئے (رب کی) رحمت چاہو۔ اور سلام 159بھی کہو324۔
57۔ اللہ اور اس کے رسول کو تکلیف دینے والوں کو اس دنیا اور آخرت میں اللہ لعنت کرتا ہے6۔ ان کے لئے رسوا کن عذاب تیار کر رکھا ہے۔
58۔ ایمان والے مرد اور عورتوں نے جو کام ارتکاب نہیں کیا ، اسے کہہ کر ایذا دینے والے بہتان اور صریح گناہ کا بوجھ اٹھا لیا۔
59۔ اے نبی! (اے محمد!) تم اپنی بیویوں سے، اپنی بیٹیوں سے اور (دوسرے) ایمان والی عورتوں سے کہو 472کہ وہ چادریں اپنے اوپر لٹکا لیں۔ انہیں پہچانا جانے اور ستایا نہ جانے کے لئے وہ بہتر ہے300۔ اللہ بخشنے والا، نہایت ہی رحم والا ہے۔
60۔ منافق لوگ اور دلوں میں بیماری رکھنے والے ، مدینہ میں افواہیں پھیلانے والے اگر باز نہ آئے تو (اے محمد!) ہم تمہیں ان پر اقتدار کر نے رکھ دیں گے۔ پھر یہاں تمہارے پاس بہت کم لوگ ہی آباد رہیں گے185۔
61۔ وہ لوگ لعنت کئے ہوئے ہوں گے۔ وہ جہاں کہیں بھی دیکھے جائیں ، پکڑے جا کربری طرح قتل کئے جائیں گے۔
62۔ پہلے گزرے ہوئے لوگوں کے معاملے میں یہی اللہ کا دستور رہا۔ اللہ کے دستور میں تم کوئی تبدیلی نہیں پاؤگے۔
63۔ (اے محمد!) لوگ قیامت کے وقت1 بارے میں تم سے پوچھتے ہیں۔ کہہ دو کہ اس کا علم تو اللہ ہی کے پاس ہے۔تمہیں کیسے معلوم کہ قیامت کا وقت1 شاید قریب بھی ہوسکتا ہے۔
64۔ ( اس کا) انکار کر نے والوں پر اللہ نے لعنت کردی6۔ ان کے لئے جہنم بھی تیار کر دیا۔
65۔ اس میں وہ ہمیشہ قائم رہیں گے۔ کوئی کارساز یا مددگار نہ پائیں گے۔
66۔ جس دن6 ان کے چہرے دوزخ میں الٹ پلٹ کئے جائیں گے تو وہ لوگ کہیں گے کہ اے کاش! ہم نے اللہ کی اطاعت کی ہوتی۔اور اس رسول کی اطاعت کی ہوتی۔
67۔ اوریہ بھی کہیں گے کہ اے میرے رب! ہم اپنے سرداروں اور بڑے لوگوں کی اطاعت کی۔انہوں نے ہمیں گمراہ کر دیا۔
68۔ (یہ بھی کہیں گے کہ) اے ہمارے پرور دگار! انہیں دگنا عذاب دے۔ انہیں بہت بڑے مقدار میں لعنت کر۔
69۔ اے ایمان والو! موسیٰ کو اذیت پہنچانے والے کی طرح نہ ہوجاؤ۔ ان کی باتوں سے ان کو اللہ نے بری کردی۔ اللہ کے پاس وہ بڑے مرتبہ والے تھے394۔
70۔ اے ایمان والو! اللہ سے ڈرو۔ سیدھی بات ہی کہا کرو۔
71۔ وہ تمہارے لئے تمہارے اعمال درست کر دے گا۔ تمہارے لئے تمہارے گناہوں کو بخش دے گا۔ اللہ اور اس کے رسول کی جس نے اطاعت کی اس نے بڑی فتح پائی۔
72۔ آسمانوں507 ، زمین اور پہاڑوں کے سامنے ہم نے امانت446 پیش کی۔ وہ بار اٹھانے سے ڈر کر انکار کردیا۔ انسان نے اسے اٹھالیا۔ وہ تو بڑا ظالم اور نادان ہے۔
73۔ منافق مردوں اور عورتوں کو، مشرک مردوں اور عورتوں کواللہ سزا دینے کے لئے ، مومن مردوں اور عورتوں کو اللہ معاف کر نے کے لئے (اس نے ایسا کیا)۔ اللہ بخشنے والا، نہایت ہی رحم والا ہے۔
