✍️ஜகாத் எடுக்கும் போதும் கொடுக்கும் போதும் தந்திரம் செய்யக் கூடாது

ஜகாத் என்பது இஸ்லாத்தின் முக்கியக் கடமைகளில் ஒன்றாகும். ஜகாத் கணக்கிடும் போதும், வசூலிக்கும் போதும் அல்லது கொடுக்கும் போதும் எவ்வித தந்திரமோ (ஹீலா - ஏமாற்று வழிகளோ) செய்யக் கூடாது. ஜகாத் தொகையைக் குறைப்பதற்காக அல்லது அதைத் தவிர்ப்பதற்காகப் பொருட்களைப் பிரிப்பதோ அல்லது சேர்ப்பதோ கூடாது.

தந்திரம் செய்வதன் தவறான முறைகள்: பிராணியின் உரிமையாளர் செய்யும் தந்திரம் (ஜகாத்தைக் குறைக்க) உதாரணமாக, ஒருவரிடம் 40 ஆடுகள் தனித்தனியாக இரண்டு இடங்களில் இருந்தால், இரண்டையும் சேர்த்தால் 1 ஆடு ஜகாத்தாகக் கொடுக்க வேண்டும். ஆனால், ஜகாத் அதிகாரி வரும்போது "என்னிடம் 20 ஆடுகள் தான் உள்ளன, மீதி வேறு இடம்" என்று பிரித்துக் காட்டி ஜகாத்தைக் குறைக்க முயல்வது கூடாது.

அதேபோல, இருவருக்குத் தனித்தனியாக 101, 101 ஆடுகள் இருந்தால் (தலா 1 ஆடு, மொத்தம் 2 ஆடுகள் ஜகாத்), வசூலிப்பவர் வரும்போது இரண்டையும் சேர்த்து 202 ஆடுகளாகக் காட்டி (200 வரை 2 ஆடுகள் தான் ஜகாத்) ஜகாத் தொகையைக் குறைக்க தந்திரம் செய்யக் கூடாது.

ஜகாத் வசூலிப்பவர் செய்யும் தந்திரம் (அதிகமாகப் பெற):

ஜகாத் வசூலிப்பவர், தனியாக உள்ள ஆடுகளை ஒன்று சேர்த்து உரிமையாளருக்கு அதிக ஜகாத் சுமையை ஏற்படுத்தக் கூடாது.

ஹதீஸ் ஆதாரம் (ஸஹீஹுல் புகாரி 1450)

அபூபக்ர் (ரலி) அவர்கள் அனஸ் (ரலி) அவர்களுக்கு எழுதி அனுப்பிய ஜகாத் சட்டங்கள் குறித்த கடிதத்தில் நபிகள் நாயகம் (ஸல்) அவர்களின் இந்தக் கட்டளை இடம்பெற்றுள்ளது:

وَلَا يُجْمَعُ بَيْنَ مُتَفَرِّقٍ، وَلَا يُفَرَّقُ بَيْنَ مُجْتَمِعٍ، خَشْيَةَ الصَّدَقَةِ

தமிழ் மொழிபெயர்ப்பு: "ஜகாத் தொகையைக் குறைப்பதற்காகவோ அல்லது அதிகமாகப் பெறுவதற்காகவோ (தனித்தனியாக) பிரிந்திருப்பவற்றை ஒன்று சேர்க்கக் கூடாது; (ஒன்றாக) சேர்ந்திருப்பவற்றைப் பிரிக்கவும் கூடாது."

ஒரு வேலை பிரித்துக் கொள்ள வேண்டாம் என்றால் ஜகாத் வசுலிக்க வரும்முன் அரசாங்கத்திடம் சென்று தெரிவிக்க வேண்டும்.

மாறாக ஜகாத் வசுலிக்க வரும் போது தெரிவிப்பது தவறு. சொத்துக்கலுடைய முழு விவரம் அரசாங்கத்திடம் இருக்கும் அதனால் வசுலிக்க வரும் நபரை ஏமாற்றி அரசாங்கத்தை ஏமாற்றி விட்டேன் என்று நனைக்கக்கூடாது.

ஜகாத் என்பது அல்லாஹ்வுக்குச் செய்யும் வணக்கமாகும். இதில் மனிதர்களை ஏமாற்ற முயன்றாலும் அல்லாஹ்வை ஏமாற்ற முடியாது.

ஜகாத் வசூலிப்பவரும் சரி, கொடுப்பவரும் சரி நேர்மையாகவும், தந்திரங்களின்றியும் மார்க்க சட்டங்களை முழுமையாகப் பின்பற்ற வேண்டும்.

 எந்தவொரு மார்க்கக் கடமையிலும் ஏமாற்று வழிகள் மூலம் கடமையிலிருந்து தப்ப முயல்வது மார்க்கத்தில் கடுமையாகத் தடை செய்யப்பட்டுள்ளது.