سورۃ : 49 سورۃ الحجرات ۔ کمرے
کل آیتیں : 18
اس سورت کی چوتھی آیت میں کمروں کے باہر کھڑے ہو کر نبی کریم صلی اللہ علیہ وسلم کو پکارنے سے روکا گیا ہے، اس لئے اس سورت کا نام حجرات رکھا گیا ہے۔
بہت ہی مہربان، نہایت ہی رحم والے اللہ کے نام سے ...
1۔ اے ایمان والو! اللہ اور اس کے رسول سے آگے نہ بڑھو۔ اللہ سے ڈرو۔اللہ سننے والا488، جاننے والا ہے۔
2۔ اے ایمان والو! تم اپنی آوازیں نبی کے آواز سے بلند نہ کرو۔ جس طرح تم ایک دوسرے سے اونچی آواز میں بولتے ہو اس طرح ان سے نہ کہو۔ (اس سے) تمہاری بے خبری میں تمہارے اعمال برباد ہوجائیں گے۔
3۔ اللہ کے رسول سے اپنی آوازیں پست کر لینے والوں کے دلوں کو (اللہ سے) ڈرنے کے لئے اللہ نے پاک کر دیا ہے۔ ان کے لئے مغفرت اور بڑا اجر ہے۔
4۔ (اے محمد!) کمروں کے باہر سے تمہیں پکارنے والوں میں اکثر ناسمجھ ہیں۔
5۔ تم ان کے پاس آنے تک اگر وہ صبر کر تے تو وہ ان کے لئے بہتر ہوتا۔ اللہ بخشنے والا، نہایت ہی رحم والا ہے۔
6۔ اے ایمان والو! جرم کرنے والا اگر تمہارے پاس کوئی خبر لے آئے تواس کی تحقیق کر لیا کرو، تاکہ ایک قوم کو تم اپنی نادانی سے نقصان نہ پہنچا سکو۔ (ورنہ) تم اپنے کئے کے لئے پشیمان ہوگے۔
7۔جان لو کہ تمہارے پاس اللہ کے رسول ہیں۔ بہت سی معاملات میں اگر وہ تمہارے تابع ہو تا تو تم تکلیف میں پڑ گئے ہوتے۔ بلکہ اللہ نے ایمان کو تمہاری چاہت بنادیا۔ اس کو وہ تمہارے دلوں میں سجا دیا۔ (اللہ سے) انکار، نافرمانی اور خلاف ورزی سے تم کومتنفر کر دیا۔ وہی لوگ سیدھی راہ پا نے والے۔
8۔ یہ اللہ کی طرف سے ملنے والی فضل اور نعمت ہے۔ اللہ جاننے والا، حکمت والا ہے۔
9۔ ایمان والوں میں دو گروہ آپس میں لڑیں تو ان کے درمیان صلح کرادو۔اگر ان میں سے ایک، دوسری پر زیادتی کر ے تو، وہ اللہ کے حکم کی طرف لوٹنے تک، اس زیادتی کر نے والی گروہ کے خلاف لڑو۔ اگر وہ گروہ اصلاح پاگئے تو عدل کے ساتھ دونوں کے درمیان صلح کرادو۔ انصاف کرو۔ انصاف کر نے والوں کو اللہ پسند کر تا ہے۔
10۔ ایمان والے (تمام)بھائی ہیں۔ اس لئے تم اپنے بھائیوں کے درمیان ملاپ کرادو۔ اللہ سے ڈرو۔ تم پر رحم کیا جائے گا۔
11۔ اے ایمان والو! ایک قوم دوسری قوم کا مذاق نہ اڑائے۔ ممکن ہے کہ وہ لوگ ان سے زیادہ بہتر ہوں۔ کوئی عورت کسی دوسری عورت کا مذاق نہ اڑائے۔ ممکن ہے کہ وہ ان سے زیادہ بہتر ہوں۔ اپنے درمیان تم عیب نہ لگاؤ۔ برے القاب سے طعنہ نہ دو۔ ایمان لانے کے بعد گناہ کا نام (رکھنا) برا ہے۔ باز نہ آنے والے ظالم لوگ ہیں۔
12۔ اے ایمان والو! بہت سی بدگمانیوں سے بچ کر رہو۔ بعض بدگمانیاں گناہ ہیں۔ ٹوہ میں لگے نہ رہو۔ تم میں سے ایک دوسرے کی غیبت نہ کرو۔ کیا تم میں سے کوئی مرے ہوئے اپنے بھائی کا گوشت کھانا پسند کرے گا ؟ تمہیں گھن آئے گی۔ اللہ سے ڈرو۔ اللہ توبہ قبول کرنے والا، نہایت ہی رحم والا ہے۔
13۔ اے لوگو! ہم نے تمہیں ایک مرد اور ایک عورت سے ہی پیدا کیا368۔ تم ایک دوسرے کو پہچاننے کے لئے ہم نے تمہیں قوموں اور قبیلوں میں بدل دیا۔ تم میں (اللہ سے) زیادہ ڈرنے والا ہی اللہ کے نزدیک سب سے بہتر ہے508۔ اللہ جاننے والا،باخبر ہے۔
14۔ دیہاتی کہتے ہیں کہ ہم ایمان لے آئے۔ (اے محمد!) تم کہو کہ تم ایمان نہیں لائے۔ ایمان تمہارے دل میں ابھی داخل نہیں ہوا۔ بلکہ یوں کہو کہ ہم مطیع ہوگئے۔ اللہ اوراس کے رسول کی اگر تم اطاعت کروگے تو وہ تمہارے اعمال میں کچھ کمی نہیں کرے گا۔ اللہ بخشنے والا، نہایت ہی رحم والا ہے۔
15۔جو اللہ اور اس کے رسول پر ایمان لا ئے، پھر بغیر کسی شک کے اپنے مال اور جان سے اللہ کی راہ میں قربان کر نے والے ہی مومن ہیں۔ وہی سچے لوگ ہیں۔
16۔کہہ دو کہ اپنا دین کیا تم اللہ کو سکھاتے ہو؟ آسمانوں507 اور زمین میں جو کچھ ہے اللہ جانتا ہے۔ اللہ ہر چیز کا جاننے والا ہے۔
17۔ وہ اسلام قبول کرنے سے سمجھتے ہیں کہ تم پر احسان کر دیا۔تم کہہ دو کہ اگر تم سچے ہو تو تمہارا اسلام قبول کر نا مجھ پر احسان نہ سمجھو۔بلکہ اللہ ہی نے تمہیں ایمان لانے کا راستہ دکھاکر تم پر احسان کیا ہے۔
18۔ آسمانوں507 اور زمین میں چھپی ہوئی باتوں کو اللہ جانتا ہے۔ جو کچھ تم کر تے ہو اللہ دیکھنے والا ہے488۔
سورۃ : 49 الحجرات ۔ کمرے
Typography
- Smaller Small Medium Big Bigger
- Default Meera Catamaran Pavana
- Reading Mode
