سورۃ : 31 سورۃ لقمان ۔ ایک نیک آدمی کا نام
کل آیتیں : 34
لقمان نامی ایک نیک بندے نے اپنے بیٹے کو جو نصیحتیں کیں اس کا ذکر آیت نمبر 13 سے 19 تک کیا گیا ہے۔ اس لئے اس سورت کا نام یہ رکھا گیا ہے۔ بہت ہی مہربان، نہایت ہی رحم والے اللہ کے نام سے ...
1۔ الف، لام، میم2۔
2۔ یہ حکمت والی کتاب کی آیتیں ہیں۔
3۔ نیکو کاروں کو (یہ) سیدھی راہ اور رحمت ہے۔
4۔ وہ لوگ نماز قائم کریں گے۔ زکوٰۃ ادا کریں گے۔ وہی لوگ آخرت1 پر پختہ یقین رکھنے والے ہیں۔
5۔ وہی لوگ اپنے رب کی طرف سے(پائی ہوئی) سیدھی راہ پر ہیں۔ وہی فلح پانے والے ہیں۔
6۔ اللہ کی راہ کو مذاق سمجھ کر اس سے لوگوں کو ناسمجھی سے گمراہ کر نے کے لئے بیہودہ خبریں خریدنے والے بھی لوگوں میں ہیں۔ انہیں کے لئے رسواکر نے والا عذاب ہے۔
7۔ جب اس کو ہماری آیتیں سنائی جاتی ہیں تو وہ تکبر کر تا ہوا اس طرح جھٹلا تا ہے گویا اس نے اس کو سنا ہی نہیں، جیسے اس کے کانوں میں ڈاٹ ہے۔تم انہیں تنبیہ کر دو کہ اس کے لئے درد ناک عذاب ہے۔
8۔ جو لوگ ایمان لائے اور نیک عمل کئے ان کے لئے نعمت بھرے باغات ہوں گے۔
9۔ اس میں وہ ہمیشہ رہیں گے۔ اللہ کا وعدہ سچا ہے۔ وہ زبردست، حکمت والا ہے۔
10۔ تم جو دیکھ رہے ہوبغیر ستونوں240 کے آسمانوں507 کو اسی نے پیدا کیا۔ زمین میں کھونٹے ڈال دئے248 تاکہ وہ تمہیں جھکا نہ دیں۔ اس میں ہر طرح کے جاندار پھیلادئے۔ آسمان سے پانی اتارا۔ اس میں ہر قسم کے عمدہ چیزیں اگائیں۔
11۔ یہ اللہ نے پیدا کیا۔ اس کے سوا دوسروں کی پیدا کردہ چیزیں مجھے دکھاؤ۔ بلکہ ظلم کرنے والے صریح گمراہی میں ہیں۔
12۔ ہم نے لقمان کو (یہ کہہ کر) حکمت عطا کی کہ اللہ کا شکر ادا کرو۔ شکر کر نے والا اپنے ہی لئے شکر کرتا ہے۔ جو (اللہ کا) انکار کر تا ہے ، اللہ تو بے نیاز ہے485،تعریفوں والا ہے۔
13۔ یاد دلاؤ جبکہ لقمان نے اپنے بیٹے کو نصیحت کر تے ہوئے کہا کہ اے میرے پیارے بیٹے! اللہ کو شریک نہ ٹہرا۔ شرک کر نا بہت بڑا ظلم ہے۔
14۔ ہم نے انسان کو اس کے والدین کے متعلق بھی تاکید کی ہے۔ اسے اس کی ماں نے کمزوری پر کمزوری جھیلتے ہوئے بار اٹھایا۔ اس کے دودھ پینے کی مدت دو سال ہے314۔ میرا اور تیرے والدین کا شکر ادا کرو۔ میری ہی طرف لوٹ کر آنا ہے۔
15۔ جس کاعلم تجھے نہیں ہے اسے میرا شریک ٹہرانے کے لئے اگر وہ دونوں تجھ پر دباؤ ڈالیں تو ان کی بات نہ ماننا۔ اس دنیا میں ان کے ساتھ اچھے پیار سے پیش آنا۔ میری طرف رجوع کر نے والوں کی راہ کی پیروی کرنا۔ پھر تمہارا لوٹنا میرے ہی پاس ہے۔ تم جو کچھ کر رہے تھے اس کے بارے میں میں تمہیں بتاؤں گا۔
16۔ اے میرے پیارے بیٹے! اگر رائی کے دانے برابر (ایک چیز) ہے، وہ چٹان کے اندر ہو یا آسمانوں507 میں یا زمین میں ہو تو اللہ اس کو حاضرکردے گا۔ اللہ باریک بین، باخبر ہے۔
17۔ اے میرے پیارے بیٹے! نماز قائم رکھو، بھلائی کا حکم دو، برائی سے روکو۔جو تکلیف پہنچے اس پر صبر کرو۔ یہ بڑی ہی حوصلہ مندکام ہے۔
18۔ لوگوں سے اپنا چہرہ نہ پھیر لینا۔ زمین میں تکبر سے نہ چلنا۔ تکبر کر تے ہوئے شان اڑانے والے کسی کو اللہ پسند نہیں کرتا
19۔(اور یہ بھی نصیحت کی کہ) اپنی چلن میں میانہ روی اختیار کر۔ اپنی آواز کو پست رکھ۔ آوازوں میں سب سے بری آواز گدھے کی آوازہے۔
20۔کیا تم نے نہیں دیکھا کہ آسمانوں507 میں جو ہے اور زمین میں جو ہے اس کو اللہ نے تمہارے لئے فائدہ مند بنایاہے اور اپنی نعمتوں کو ظاہری اور پوشیدہ طور پر تم پر نچھاور کیا ہے؟ علم، ہدایت اور روشن کتاب کچھ بھی نہ ہوتے ہوئے بھی اللہ کے بارے میں حجت کر نے والے انسانوں میں ہیں۔
21۔ جب ان سے کہا جائے کہ اللہ نے جو کچھ نازل کیا ہے اس کی پیروی کرو تو وہ کہتے ہیں کہ ہمارے اگلوں کو ہم نے جس میں پایا ہے اسی کی ہم پیروی کر یں گے۔ کیاشیطان انہیں جہنم کے عذاب کی طرف بلائے ، جب بھی؟
22۔ بھلائی کی حالت میں اپنے چہرے کو اللہ کی طرف پھیرنے والے مضبوط رسی کو تھام لیا۔ سب کاموں کا انجام اللہ ہی کے پاس ہے۔
23۔ (ہمارے) انکار کر نے والے کی انکار تمہیں فکر مند نہ بنا ڈالے۔ ان کا لوٹنا ہماری ہی طرف ہے۔ جو انہوں کیا ہے ہم انہیں بتا دیں گے۔ دلوں میں جو ہے اللہ جاننے والا ہے۔
24۔ انہیں تھوڑی مدت تک لطف اٹھانے دیں گے۔ پھر سخت عذاب میں انہیں ڈکھیل دیں گے۔
25۔ اگر تم ان سے پوچھو کہ آسمانوں اور زمین کو کس نے پیدا کیاہے تو وہ کہیں گے کہ اللہ۔ تم کہو کہ سب تعریف اللہ ہی کے لئے ہے۔ مگر ان میں سے اکثر نہیں جانتے۔
26۔ آسمانوں507 اور زمین میں جو کچھ ہے سب اللہ ہی کا ہے۔ اللہ بے نیاز ہے485، تعریفوں والا ہے۔
27۔ زمین کے سارے درخت اگر قلم بن جائے،اور سمندر کے ساتھ مزید سات سمندر مل کر(روشنائی) بن جائے بھی تو اللہ کے احکامات155 لکھ کرختم نہیں ہو سکتے۔ اللہ زبردست، حکمت والا ہے۔
28۔ تم سب کا پیدا کرنا اور زندہ کرنا ایسا ہی ہے جیسے ایک جان کو( پیدا کرنا)۔اللہ سننے والا488، دیکھنے والا ہے488۔
29۔ کیا تم جانتے نہیں کہ اللہ رات کو دن میں اور دن کو رات میں داخل کر تا ہے، اور سورج اور چاند کو اپنے قابو میں رکھا ہوا ہے۔ ہر ایک مقررہ مدت تک چلتا رہے گا241۔ تم جو کرتے ہو اللہ اسے خوب جانتا ہے۔
30۔ یہ اس وجہ سے ہے کہ اللہ ہی حق ہے۔ اس کے سوا جن کو وہ پکارتے ہیں سب باطل ہیں۔ اور اللہ بلند و برتر ہے۔
31۔ کیا تم جانتے نہیں کہ اللہ تمہیں اپنی نشانیاں دکھانے کے لئے اس کے فضل سے سمندر میں کشتیاں چلتی ہیں؟ ہر صبر کر نے والے اور شکر کر نے والے کیلئے اس میں کئی نشانیاں ہیں۔
32۔ سائبانوں کی طرح موجیں انہیں جب ڈھانپ لیتی ہیں تو وہ عبادت کو خالص کر تے ہوئے خلوص کے ساتھ اسے پکارتے ہیں۔ جب انہیں بچا کر کنارے پر پہنچا دیتے ہیں تو ان میں راست باز لوگ بھی ہیں۔ نا شکر دغابازوں کے سوا دوسرا کوئی ہماری نشانیوں کا انکار نہیں کرتا۔
33۔ اے لوگو! اپنے رب سے ڈرو۔ اس دن 1سے ڈرو کہ جس دن باپ اپنے بیٹے کو اور بیٹا اپنے باپ کو کچھ بھی بچا نہیں سکے گا۔ اللہ کا وعدہ سچا ہے۔ اس دنیوی زندگی تمہیں دھوکے میں نہ ڈال دے۔ دھوکے بازتمہیں اللہ کے بارے میں دھوکے میں نہ ڈال دے۔
34۔ قیامت کے وقت1 کا علم اللہ ہی کے پاس ہے۔ وہ بارش برساتا ہے۔ رحموں میں جو ہے اسے جانتا ہے۔ کوئی نہیں جانتا کہ کہ وہ کل کیا کمائے گا۔ کوئی جاندار یہ بھی نہیں جانتا کہ وہ کہاں مرے گا۔ اللہ خوب جاننے والا ، باریک بین ہے۔
سورۃ : 31 لقمان ۔ ایک نیک آدمی کا نام
Typography
- Smaller Small Medium Big Bigger
- Default Meera Catamaran Pavana
- Reading Mode
