பூஜிக்கப்பட்ட நிலத்தில் பயிரிடப்பட்டதை உண்ணலாமா?

பூஜிக்கப்பட்ட நிலத்தில் பயிரிடப்பட்டதை உண்ணலாமா?

பூஜிக்கப்பட்ட பொருள் நமக்கு ஹராம், நாம் வாழும் நாட்டில் விதை விதைக்கும் போதும், அறுக்கும் போதும் பூஜை செய்கிறார்கள். பூஜை செய்த விவசாயத்தின் மூலம் தான் நமக்கு அரிசி கிடைக்கிறது. இதைத் தான் நாம் உண்கிறோம், இது சரியா? இதற்கு வேறு வழி இருக்கிறதா?

தாவூத்

பதில்

முஸ்லிமல்லாதவர்கள் குறிப்பாக இந்து மதத்தவர்கள் விவசாயம் செய்தாலும், கட்டடம் கட்டினாலும், கடை திறந்தாலும் பூஜை செய்யாமல் துவக்க மாட்டார்கள்.

பூஜை செய்து விட்டு அவர்கள் விவசாயம் செய்வதால் அவர்கள் உற்பத்தி செய்து விற்பனை செய்யும் அரிசி, கோதுமை, இன்னபிற விளை பொருட்களை நாம் உண்ணலாமா?

அவர்கள் பூஜை செய்துவிட்டு கட்டிய கட்டடங்களை விலைக்கு வாங்கலாமா?

அல்லது வாடகை கொடுத்து அதில் குடியிருக்கலாமா?

கடையைத் துவக்கும் நாளிலும், அன்றாடம் கடைகளைத் திறக்கும் போதும் பூஜை செய்துவிட்டுத் தான் ஆரம்பிப்பார்கள். எனவே அவர்களின் கடைகளில் பொருட்களை வாங்கலாமா?

என்றெல்லாம் கூட சந்தேகம் வரும்.

இந்த சந்தேகங்களுக்கு மார்க்கத்தில் எந்த முக்கியத்துவமும் இல்லை. அல்லாஹ் ஹலாலாக்கிய ஒரு பொருளை மற்றவர் பூஜை செய்வதாலோ படையல் செய்வதாலோ அது ஹராமாகி விடும் என்று மார்க்கத்தில் சொல்லப்படவில்லை.

அல்லாஹ் ஒன்றை ஹலாலாக்கி இருக்கும் போது யாரோ எதையோ செய்வதால் அது ஹராமாகி விடாது. ஹராமாக்கும் அதிகாரம் அல்லாஹ்வுக்கே உரியது என்பது தான் இஸ்லாத்தின் அடிப்படைக் கொள்கை.

உண்ண அனுமதிக்கப்பட்ட உயிரினங்களை அறுக்கும் போது அல்லாஹ் அல்லாதவர்களின் பெயர் சொல்லி அறுக்கப்பட்டு இருந்தால் அது நமக்கு ஹராமாகி விடும். அல்லது அந்த பிராணியை அல்லாஹ் அல்லாதவருக்காக பலியிட்டால் அது ஹராமாகி விடும்

அல்லாஹ் ஹராமாக ஆக்காத உயிர் இல்லாத பொருட்கள் ஒருக்காலும் ஹராமாக ஆகாது

தாராளமாக அவற்றை உண்ணலாம்

பூஜை செய்து விட்டு உற்பத்தி செய்த விளைபொருட்களை இலவசமாகவோ, விலைகொடுத்தோ வாங்கி பயன்படுத்தலாம்.

பூஜைகள் செய்து கட்டப்பட்ட கட்டடத்தில் குடியிருக்கலாம். விலைக்கு வாங்கலாம்.

இது குறித்து முழுமையாக அறிந்து கொள்ள கீழ்க்காணும் லின்கை பார்க்கவும்

பிராணிகளைத் தவிர மற்ற பொருட்களை படையல் பூஜை செய்தால் அவை ஹராம் அல்ல- முழுமையான அலசல்

https://onlinepj.co.in/videos/?id=1074396754

13.02.2012. 0:28 AM